Güzəştli mənzil hüququ olanların NƏZƏRİNƏ: “MİDA sürprizlər edə bilər”
“28 iyulda MİDA “Güzəştli mənzil” sisteminin DEMO versiyasını dayandıracaq”.
Sfera.az bildirir ki, bunu Azərbaycan İnternet Forumunun rəhbəri Osman Gündüz deyib. O, xatırladıb ki, sınaq versiya ilə mənzil seçimini test edənlərin cəmi üç gün vaxtı qalıb:
“Cari ayın əvvəli MİDA DEMO versiyanı işə salanda kiçik bir açıqlama vermişdi: ““Güzəştli mənzil” sistemində 29 iyul – 11 avqust 2023-cü il tarixlərində keçiriləcək mənzil seçimi prosesinə əlavə təhlükəsizlik tədbirləri tətbiq edilib”. Bu o deməkdir ki, 29 iyulda baş tutacaq onlayn satışda güman ki, MİDA yenidən sürprizlər edəcək. Yəni MİDA təhlükəsizlik məqsədilə DEMO-dan fərqli olaraq real satış modulunun interfeysini dəyişə, ikiqat “CAPTCHA” fərqli ola, menyular dəyişilə bilər və.s”.
O.Gündüz qeyd edib ki, real satış modulu “DEMO”dan kəskin fərqli olacaq:
“Düşünmək olar ki, hazırlıqlı, daha çox test edən şəxslərin, İT bacarıqları yüksək olanların şansı daha yüksək olacaq. Tövsiyə edərdim ki , DEMO ilə mənzil seçimini test edənlər bu məqamları da nəzərə alsınlar”.
Türkan
