Azərbaycan mahnısına görə rejissora qadağa qoyuldu
Cəmiyyət
18:21 / 21.06.2023
5285
Urmiya şəhərində nümayiş etdirilən, Azərbaycan mahnı və rəqsinə görə səhnədən yarımçıq yığışdırılan "Şəhriyar" tamaşasının müəllifi, rejissor Vəli Lütfduxtun fəaliyyətinə 3 illik qadağa qoyulub.
Sfera.az xəbər verir ki, bu barədə Qərbi Azərbaycan əyalətinin Mədəniyyət və İrşad İdarəsinin başçısı Əlirza Novruzi açıqlama verib.
“Tamaşa iki gün (20-21 iyun) səhnədə olacaqdı. Ancaq tamaşanın ilk günü aktyorların səhnədə oynaması və mahnı oxumasına görə onun yığışdırılmasına qərar verildi”, - Novruzi bildirib.
Qeyd edək ki, Məhəmməd Hüseyn Şəhriyarın həyatından bəhs edən "Şəhriyar" tamaşası Urmiyanın "Şəms" salonunda səhnəyə çıxarılmışdı.