Bakıda Emin adlı məktəbli dərsdən sonra salfet sataraq pul qazanır. Bizimyol.info xəbər verir ki, "facebook" istifadəçisi Sevincin yazdığına görə, Emin dərsdən sonra məktəb çıxışnda salfet satır: "Oğlanın adı Emindi. Dediyinə görə məktəbə də gedir. Bilmirəm o, dərsdən çıxmışdı ya dərsə sonra girəcəkdi. 1 manat kömək edə bildim. Başını sığalladım, üzündən öpdüm. "Ağıllı balasan" dedim. O isə sıxılırdı zatən. Lap sıxıldı. Gözlərim doldu. Sonra uzaqlaşanda Nilufər dedi ki, ana, sən yaxşı adamsan. Dedim ki, qızım, yaxşı adam olsam, o uşaq əlində kitab dayanardı orda, salfetka ilə dayanmazdı. Yaxşı adam deyiləm, qızım. Yaxşı adam ola bilmirəm, gücüm çatmır! Sonra avtobusda Rəşid zəhləmi tökdü. Maşın aldırmaq istəmişdi, almamışdım. Oğlum o qədər balacadı ki, hələ...... bu dünyanın necə bir yer olduğunu hətta təsəvvür belə etmir. Amma, o balaca oğlan artıq dünya nədi bilir. Belə tez bilməsəydi kaş ki..."
