"Büdcədə müəyyən xərclərin azaldılmasına ehtiyac var".

Sfera.az xəbər verir ki, bunu Milli Məclisin növbədənkənar iclasında deputat Fazil Mustafa “Dövlət sosial müdafiə fondunun 2023-cü il büdcəsi haqqında”  Azərbaycan Respublikasının Qanununda dəyişikliklərin müzakirəsi zamanı deyib. Millət vəkili dərman qiymətlərinin baha olmasına da də toxunub:

"Qida təhlükəsizliyi, su ehtiyatları ilə bağlı ciddi problemlər var. Bu vəsaitlərin haradan tapılmasını müzakirə etməyə ehtiyac var. Bunun üçün düşünürəm ki, büdcədə kifayət qədər vəsait var. Dünən qəbuluma gələn 45 illik pedoqoji təcrübəsi olan müəllim 78 manat illik bələdiyyə vergisini ödəyə bilmədiyindən gileyləndi. Dedi ki, onun dərman xərci 300 manatın üzərindədir. O, 78 manatı ödəmək iqtidarında deyilsə, bunun səbəblərini tapmalıyıq. Dərman qiymətlərinin bahalaşmasının qarşısı alınmır. Bizim bazardan Avropa dərmanları çıxıb. Banqladeşin, Hindistanın dərmanlarını gətiririk. Türkiyə ilə bu sahədə əməkdaşlığı qura bilmədik. İnsanlar 100 manatlıq dərmanı 300 manata almağa məcbur olurlar”.

Əzizə Zeynal