Bəzi hallarda bağbanlar paytaxt parklarındakı bitkilərin və çiçəklərin dərmanlı olduğunu bildirir, xüsusilə uşaqları bu bitkilərlə təmasdan uzaq olmağa çağırır.

Maraqlıdır, çiçəklərin və ağacların dərmanlanması ekoloji cəhətdən düzgündürmü? Belə parklarda gəziniti və hava qəbulu sonradan sağlıq problemləri yarada bilərmi?

Mövzu ilə bağlı Sfera.az-a açıqlama verən Milli Ekoloji Proqnozlaşdırma Mərkəzinin rəhbəri Telman Zeynalov bitkilərin inkişafı üçün dərmanların vacib olduğunu bildirib:

“Biotexniklər bitki və ağaclar üçün xüsusi dərmanlar hazırlayırlar. Həmin dərmanlar bitkinin mövcud iqlim şəraitinə tab gətirməsinə yardımçı olur. İnsanların həmin bitkilərlə təmasda olması isə onlara hansısa ziyan verməz. Lakin parklarda meyvə gətirən ağacların meyvəsini yemək istəyən insanlar diqqətli olmalıdırlar. Belə ki, həmin ağacların meyvələrinin qabığı soyulub yeyilməli, yaxud  qabığı soyulduqdan sonra onları günəş altında saxlayıb yemək lazımdır”. 

Ekspert parklarda əkilməli olan ağaclardan danışıb:

“Xaricdən gətirilən ağac növləri bizim parklarda əkilməsə daha yaxşı olar. Yerli ağacları əkməyə üstünlük verməliyik”.

Əzizə Zeynal