Xəbər verdiyimiz kimi, ötən gün Naxçıvanda güclü leysan və dolu yağıb.

Sfera.az-ın məlumatına görə, Milli Hidrometeorologiya Xidmətinin Proqnozlar Bürosunun direktoru Gülşad Məmmədova güclü yağıntılarla bağlı açıqlama verib.

"Dünən axşam və bu gecə Naxçıvan Muxtar Respubliasında leysan xarakterli yağış yağıb, şimşək çaxıb və dolu düşüb. Düşən yağıntının miqdarı Naxçıvanda 37.0 mm (aylıq normanın 94%-i), Şahbuzda 5.0 mm, Ordubadda 2.0 mm-dək olub.

Həmçinin, ötən gün saat 18:40 radələrində Naxçıvanda diametri 6 mm olan dolu düşüb, qərb küləyi arabir 20 m/s-dək güclənib”, - qurum rəsmisi bildirib.