Nazir mükafatlandırma mərasimində - Fotolar

Ötən gün Bakı Şəhər Mədəniyyət və Turizm İdarəsinin ilin yekunlarına həsr olunmuş tədbiri keçirilib.

“Qafqazinfo”nun məlumatına görə, tədbir Beynəlxalq Muğam Mərkəzində baş tutub.

Həmrəyliyi Gününə həsr olunmuş Bakı şəhər musiqi kollektivlərinin festivalının qalibləri elan edilib. Festivalda muğam və musiqi kollektivi nominasiyaları üzrə fərqlənən kollektivlər idarənin diplomları ilə təltif olunub.

Tədbirdə “2015-ci ilin ən fəal mədəni-maarif müəssisəsi və mədəni-maarif işçisi” müsabiqəsinin qalibləri də mükafatlandırılıb. Müsabiqədə qaliblər 20-dən çox nominasiya üzrə müəyyənləşdirilib. Müsabiqə qaliblərinə fəxri fərmanlar, diplomlar, mükafatlar və hədiyyələr təqdim olunub.

Həmçinin “Milli mədəniyyətimizin təməli” adlı kütləvi informasiya vasitələrinin təmsilçiləri arasında keçirilən müsabiqənin qalibləri də mükafatlandırılıb.

Müsabiqəyə təqdim edilmiş ən yaxşı məqalələr tarixi abidələr, folklor və milli adət-ənənələr, görkəmli və tarixi şəxsiyyətlər nominasiyaları üzrə diplom və hədiyyələrə layiq görülüb.

"Qafqazinfo" saytı "ən yaxşı əməkdaşlıq nominasiyasi" mükafatına laiq görülüb. 

Tədbirdə mədəniyyət və turizm naziri Əbülfəs Qarayev Bakı Şəhər Mədəniyyət və Turizm İdarəsinin yeni rəisi Vüqar Zeynalovu kollektivə təqdim edib.

Tədbir konsert proqramı ilə davam edib.