"Müxtəlif sektorlarda, xidmət sahələrində, məsələn, marketlərdə, avtoyuma və təmiri yerlərində uşaq istismarından, eləcə də müqaviləsiz işçilərin əməyindən istifadəyə şahidlik edirik".

Sfera.az xəbər verir ki, bunu Milli Məclisin bu gün keçirilən plenar iclasında deputat Etibar Əliyev deyib. Millət vəkili bunun qarşısının alınmasını təklif edib.

" Əmək və Əhalinin Sosial Müdafiəsi Nazirliyinin müvafiq strukturları bu istiqamətdə fəaliyyətini gücləndirməlidir. Fərdi sahibkarların obyektlərində belə halları görəndə sərt münasibət sərgilənir, amma oliqarxlara məxsus obyektlərdəki eyni hallarla bağlı susqunluq müşahidə edilir ", - millət vəkili qeyd edib.

Əzizə Zeynal