“Sumqayıtda idman zalında ölən uşağın anasından gözüm su içməmişdi. Bu gün səhər mənə gələn zəngdən bir daha əmin oldum ki, bu qadın o manyak qədər uşağın ölümündə rol alıb”.

Sfera.az xəbər verir ki, bu sözləri Feysbukda tanınmış jurnalist Ləman Ələşrəfqızı yazıb.

O, məşq zamanı aldığı ağrı xəsarətlərdən sonra dünyasını dəyişən 7 yaşlı uşağın anası ilə bir sıra iddialar səsləndirib:

“Zəng edən köhnə tanışlarımdan biridir. Həyat yoldaşı hadisə yerinə ən tez  yetişən polis əməkdaşlarından biri olub. O nələr görüb,nələr. 

Qadın deyir ki, müharibə iştirakçısı olan həyat yoldaşım 3 gündür özünə gələ bilmir. Körpənin cansız bədəni onun qucağında olub. Bədənində dişlək  yerləri polis əməkdaşını şübhələndirib. Anasından soruşanda deyib ki, uşağımı əzizləyəndə onu belə dişləyirəm. Görüntülər ortaya çıxandan sonra ana adlı məxluq sözlərini dəyişib. Görüntülər isə tək paylaşılanlardan ibarət deyil. Uşağa işgəncə kadrları yenə var. Bəs, bu şərəfsiz niyə məhz 7 yaşlı bu uşağı hədəf seçib? Bu sualın cavabı da məncə ana adlı o məxluqatdadır. 

Qısası, "ana havalanıb", " bədbəxt, zavallı ana" ifasələrini yazanda heç tələsməyin. Bədbəxt 7 yaşlı o körpə idi, onu da Allah öz yanına apardı. Cinayətkarların cəzası isə ağır olmalıdır”.