“Heydər Əliyev - Rusiyadan baxış” («Гейдар Алиев – взгляд из России») adlı elmi monoqrafiya işıq üzü görüb.

Sfera.az bildirir ki, bu barədə Azərbaycanın Yekaterinburq şəhərindəki Baş konsulu vəzifəsini icra edən Şöhrət Mustafayev məlumat verib.

O qeyd edib ki, sözügedən monoqrafiya Yekaterinburqdakı Azərbaycan Baş Konsulluğunun dəstəyi, Novosibirsk Dövlət Texniki Universitetinin professoru Mixail Konstantinoviç Çernyakov və Novosibirsk Dövlət İqtisadiyyat və İdarəetmə Universitetinin dosenti Kamal Çolu oğlu Əkbərovun müəllifliyi , AMEA-nın Tarix institutunun şöbə müdiri, tarix elmləri namizədi Cəbi Bəhramovun elmi redaktorluğu ilə çap olunub:  

“Mənim də redaksiya heyətinin üzvü olaraq töhfələrim sayəsində «Гейдар Алиев – взгляд из России» elmi monoqrafiya işıq üzü görüb. Ümummilli lider Heydər Əliyevin 100 illik yubleyinə həsr olunmuş bu əsərin Heydər Əliyev irsinin tədqiqi ilə məşğul olan hər bir alimin marağına səbəb olacağına, universitet tələbələrinin dərs kitabına və sadə oxucuların masaüstü kitabına çevriləcəyinə şübhəm yoxdur. Bu kitabda ümummilli lider Heydər Əliyevin həyatı və siyasi keçmişinin ən mühüm məqamları öz əksini tapıb. Monoqrafiyanın ərsəyə gəlməsində əməyi keçən hər kəsə dərin təşəkkürümü bildirirəm!”

Türkan