Tarixi mühafizə etmiş xarabalığın rəngli divarları - FOTOREPORTAJ
Bakıda Teleqüllənin yaxınlığında bir vaxtlar tarix və mədəniyyət abidələrinin mühafizəsi və bərpasına nəzarəti təmin edən bir tikili var. Təxminən 30 illik bir tarixə malik olan tikili vaxtilə özü mühafizə obyekti olsa da, indi onun özünün mühafizəyə ehtiyacı var.
Bəli, söhbət Bakı şəhər İcra Hakimiyyətinin Şəhərsalma, Memarlıq və Arxeologiya Abidələrinin Bərpası üzrə “Bərpaçı” Baş idarəsindən gedir.
Azərbaycan Respublikası Nazirlər Kabinetinin 11 sentyabr 1992-cil ildə tarixli 500 nömrəli qərarına əsasən Mədəniyyət Nazirliyinin Tarix və Mədəniyyət abidələrinin mühafizəsi, bərpası və istifadəsi üzrə Baş idarəsi Azərbaycan Respublikası Prezidentinin 3 fevral 2000-ci il tarixli 270 nömrəli Fərmanı ilə ləğv edilib. Tikili bundan sonra baxımsız vəziyyətdə qalıb, indi isə xarabalığı xatırladır. Lakin maraqlı məqam ondan ibarətdir ki, illərdir istifadəsiz qalan bu dağıdılmış tikilini gənclər müxtəlif rənglərlə, divar rəsmləri ilə canlandırıblar. Bununla da xarabalıqdan maraqlı görüntülər ortaya çıxıb.
Sfera.az-ın əməkdaşı sözügedən görüntüləri lentə alıb. Fotoları təqdim edirik:
Fotolar:Anar Bayramlı
