"Buranın abadlaşdırılması irsimizin qorunması nöqteyi-nəzərdən yaxşı olardı" - FOTOLAR
"Yunus Əmrənin ehtimal edilən məzarlığını axtararkən Qaxdan İlisuya gedən istiqamətdə yolun sol tərəfindəki qəbirstanlıqda oldum. Qaxda kimdən ziyarətgahı soruşsan, buranı işarə edir."
Sfera.az xəbər verir ki, bunun Facebook sosial şəbəkə hesabında Rüstəm Qaraxanlı qeyd edib.
Onun sözlərinə görə, qəbirstanlığın girişində yaşlı bir kişi oturur. O, buranın belə demək mümkündürsə, bələdçisidir - deyə bildirib.
"Şəkillərdə görünən həmin ziyarətgahdır. Məzar daşlarından görünür ki, qəbirlər sufilərindir. Deyəsən 7 məzardır, ağsaqqal deyir ki, 7 qardaş olublar. Təbii ki, ərəb əlifbasını bilmədiyimdən nə özüm bir şey oxuya bildim, nə də kişidən hansısa elmi məlumatı gözləmək əbəs olardı".
R.Qaraxanlı vurğulayıb ki, həm bu ziyarətgah, həm də Yunus Əmrənin məzarının abadlaşdırılması həm irsimizin qorunması, həm də turizm nöqteyi-nəzərdən yaxşı olardı.
Aysel
Sfera.az
