Əhaliyə göstərilən ödənişli xidmətlərin dəyəri artıb
Cəmiyyət
23:10 / 17.03.2023
27968
Bu ilin yanvar-fevral aylarında əhaliyə göstərilən ödənişli xidmətlərin dəyəri ötən ilin müvafiq dövrü ilə müqayisədə real ifadədə 11,1 faiz artaraq 1724,9 milyon manat olub.
Dövlət Statistika Komitəsindən Sfera.az-a verilən məlumata görə, hüquqi şəxslər tərəfindən əhaliyə 1310,7 milyon manatlıq xidmət göstərilib. Bu da xidmətlərin ümumi dəyərinin 76 faizini təşkil edib.
Cari ilin yanvar-fevral aylarında hər bir ölkə sakini orta hesabla 170,3 manatlıq və ya ötən ilin müvafiq dövrü ilə müqayisədə nominal ifadədə 30,5 manat çox müxtəlif ödənişli xidmətlərdən istifadə edib.