“PRoMete“ ləqəbi ilə tanınan reper Pərviz İsaqovun konserti baş tutub.

Konsertdən əvvəl Sfera.az-a açıqlama verən reper gecəyə xüsusi hazırlaşdıqlarını bildirib:

“Xalq artisti Faiq Ağayevlə duetimiz ilk dəfə olaraq məhz bu konsertdə səsləndi. Mahnı "tematik" olduğu üçün bir neçə aydan sonra çıxacaq. Məhz buna görə bu gün konsertə gələnlər daha şanslı idilər”. 

PRoMete həmçinin deyib ki, konsertdə yalnız canlı ifalar yer alıb:

“Gecədə bütün mahnıları və repləri canlı ifa etdim. Heç bir fonoqram olmadı. Bu, mənim üçün də yenilikdir. Repin başdan-ayağa canlı olması isə görünməmiş bir şeydir".

Konsert repertuarından da danışan repçi bildirib ki, musiqilərin əksəriyyəti "jazz-rock", "rock", "pop" və qarışıq üslublarındadır. Musiqiçi müsahibənin sonunda isə növbəti konsertin lahiyələnməsinə başlayacağını vurğulayıb.

Reperin konsertində gözlənilməz hadisə də yaşanıb. Belə ki, səhnəyə gənc oğlan çıxaraq sevgilisinə sürpriz edib. O bildirib ki, sevgilisinin ad günüdür. Həmin oğlan Nərmin adlı xanıma səslənərək, onu səhnəyə çıxmağa çağırıb. Bundan sonra oğlan cibindən üzük çıxardaraq sevgilisinin qarşısında diz çöküb və ona evlilik təklifi edib. Cütlüyün bu sevinci zalda olan tamaşaçılar tərəfindən rəğbət və alqışlarla qarşılanıb.

Türkan

Anar Bayramlı