Əhali hər il ərzaq, qeyri-ərzaq və pullu xidmətlərə böyük məbləğdə pul xərcləyir.  Maraqlıdır ki, xərclənən vəsait aylar üzrə eyni olmur, hətta bir-birindən kəskin şəkildə fərqlənir. 

Sfera.az rəsmi məlumatlara istinadən xəbər verir ki, əhali pərakəndə ticarət məqsədilə və pullu xidmətlərdən istifadə ilə əlaqədar ən çox pulu ilin son ayında xərcləyir. 
Bu hal özünü bütün məhsul qruplarında göstərir. 

2022-ci ildə əhali ərzaq mallarının alınmasına 29,38 milyard manat xərcləyib. Bu qədər vəsaitin 4,026 milyard manatı, yəni 13,7 faizi yalnız dekabrda xərclənib. 

Bir ildə əhali qeyri-ərzaq mallarının alınmasına 22,8 milyard manat pul ayırıb. Bunun 3,034 milyard manatı, başqa sözlə 13,3 faizi dekabrda xərclənib. 

Pullu xidmətlərdə də dekabr ayı xərclərin böyük olmasına görə fərqlənib. Ötən il pullu xidmətlərə xərclənən 10,84 milyard manatın 1,33 milyard manatı, yaxud 12,27 faizi dekabr ayındakı xərclərdən ibarət olub. 

Ümumilikdə, əhalinin pərakəndə ticarət və pullu xidmətlər sahəsindəki 63 milyard manatlıq xərcinin 8,4 milyard manatı ilin son ayında rellaşdırılıb. 

Vasif