Vasif Məhərrəmli bacısını evdən qovub - "Dedi, bizə lazım deyilsən" - VİDEO
Əməkdar artist Vasif Məhərrəmli ilə uzun illər onunla yaşayan bacısı Leyla arasında dava düşüb.
Sfera.az Axşam.az-a istinadən xəbər verir ki, müğənni bacısını evdən qovub. Məsələni araşdırmaq üçün sayt Leyla xanımla əlaqə saxlayıb.
O, açıqlamasında bildirdi ki, artıq iki ildir qardaşı ilə danışmır və tək yaşayır:
"Vasif qardaşım idi... Bunu gizlətməyəcəyəm, onsuz xəbər bir yerdən çıxacaq. Bilən də bilir bunu... Onun qızı Əfşanı böyütdüm, 18 yaşında universitetə qəbul oldu. Ondan sonra dedilər ki, artıq sən bizə lazım deyilsən. Onlarla heç bir əlaqəm yoxdur. Hər qayğısını çəkdim, evləndirdim, övladı oldu.
Onunla görüşmək istəyim də yoxdur. Nankor adamdan nə gözləyim? İnsan təkdirsə, onu heç bir maddiyat rahatlata bilməz
(ağlayır). Ömrümün çoxunu, bütün həyatımı onlara həsr etdim".
Leyla xanım əlavə edib ki, V.Məhərrəmlinin övladları da onunla danışmır:
"Qız anasız qalanda 1 yaş 2 aylıq idi, 35 yaşında idim. Həyatımı ona həsr etdim, baxıcı belə tutmadım. Karyeramı, həyatımı, sənətimi qurban verdim. Heç qızla da əlaqəm yoxdur. Özüm Bakıda qalıram, evim var. İşləyirdim, qıza görə işdən çıxdım. Onun hazırlıqları, məktəbi, universitetə daxil olması ilə məşğul idim. Bütün fikrim ona yönəlmişdi, böyüdürdüm".
Sayt məsələ ilə bağlı Vasif Məhərrəmlidən açıqlama almağa çalışsa da, zənglərə cavab verilməyib.
Qeyd edək ki, Leyla illər əvvəl açıqlamasından birində Vasif Məhərrəmliyə və qızına görə ailə qurmadığını demişdi.
