Ər hamilə arvadını döydü, yarımçıq doğulan uşaq öldü
Kateqoriya məlum deyil
Sabirabad rayonunda əri tərəfindən döyülən hamilə qadın erkən doğuş həyata keçirib.
Sfera.az xəbər verir ki, “Qafqazinfo”nun əldə etdiyi məlumata görə, hadisə rayonun Axtaçı-Muğan kəndində baş verib.
Həmin kənddə yaşayan və hamiləliyin 30-cu həftəsində olan 2001-ci il təvəllüdlü A.H. noyabrın 28-də axşam saatlarında əri Vüsal Hüseynov tərəfindən döyülüb. Nəticədə qadın aldığı xəsarətlər səbəbindən bir neçə saat sonra yarımçıq qız uşağı dünyaya gətirib. Vaxtından qabaq doğulan körpə dekabrın 4-də xəstəxanada ölüb.
Faktla bağlı araşdırma aparılır.
