\"Deyə bilmərik, çox pis söyüş söydü...\" - Qətldən əvvəl 16 yaşlı Turan Ruslanla nəyin mübahisəsini edib?
"Ruslanın dəstəyi olduğu idmançı 60 kq çəki dərəcəsində güləşirdi. Onlar çörək yeyən zaman əks tatamiyə həmin uşağı çağırdılar. Ruslan məşqçilər üçün ayrılmış yerdə otura bilməzdi. Ruslan da həmin seksiya ilə aşağıdan düşür ki, yuxarı çıxsın. Rəhmətlik uşağın da ayağını qoyduğu yerdən keçmək istəyib. Həmin məqamda arxasınca gələn uşaqlar mənə dedi ki, müəllim deyə bilmirik, amma pis söyüş söydü".
Sfera.az BAKU.WS-ə istinadən xəbər verir ki, bu sözləri Turan Rüstəmovu qətlə yetirməkdə şübhəli bilinən 20 yaşlı Ruslan Səfixanovun atası Elçin Səfixanov bildirib.
O əlavə edib ki, söyüş söyüldükdən sonra Ruslanı tanımaq mümkün olmayıb: "Bunlar hadisədən qabaq marketə gediblər. Su, yoqurt, kolbasa alıblar. Xiyar, pomidoru doğramaq üçün 3 manatlıq mətbəxt bıçağı alıblar. Bir şey ki, bıçaq onun əlində əyilib".
