Ənənəvi Nar bayramı bu il də keçirilməyəcək - SƏBƏB

Göyçayda 2 il öncədəyək hər il ənənəvi qaydada keçirilən Nar bayramının bu il də qeyd edilməyəcəyi bildirilir.

Sfera.az-ın əldə etdiyi məlumata görə, bayramın bu il də keçirilməməsinə səbəb kimi sentyabr ayında Azərbaycan-Ermənistan dövlət sərhədində təxribat törədilməsi və şəhidlərimizin olması göstərilir.

Bundan əlavə Göyçay Rayon İcra Hakimiyyətinə yeni başçının təyin edilməsi fonunda bayramı təşkil edən müvafiq qurumun sözügedən tədbirin təşkilində çətinliklər yaşadığı bildirilməkdədir.

Xatırladaq ki, sonuncu dəfə Göyçayda Nar Festivalı 2019-cu ilin noyabarın 9-da, Dövlət Bayraq Günündə təşkil olunub.

Əzizə Zeynal