Gələnilki büdcədən seçkilərin keçirilməsinə 30.5 milyon manat ayrılıb. Qrafiklə Azərbaycanda növbəti parlament və prezident seçkiləri 2025-ci ildə keçirilməlidir. Lakin sual yaranır ki, bu vəsait hansı seçki üçün nəzərdə tutulub?

Bununla bağlı Sfera.az-a açıqlama verən REAL partiyasının icraçı katibi Natiq Cəfərli deyib ki, əgər seçkilər qrafikinə baxsaq, seçkilərin nəzərdə tutulmadığını görərik:

“Amma ümumilikdə belə bir gözlənti formalaşıb. Doğru olan da budur ki, Azərbaycanın indiki durumuna və işğaldan azad olunmuş torpaqların gələcəkdə inteqrasiyasını, işğalın böyük ölçüdə bitməsi faktını, ölkənin ictimai, siyasi və iqtisadi həyatında uzun illər  ərzində baş verən dəyişikliklərin əksini tapması, idarətetmənin təkmilləşdirilməsi nöqteyi-nəzərdən  yeni bir refendumun keçirilməsi labüddür və qaçılmazdır, hətta”.

Müsahibimiz qeyd edib ki, 2023-ci ildə sözügedən vəsaitin böyük bir hissəsi Konstitusiya referendumunun keçirilməsinə sərf edilə bilər: “Ola bilər ki, bu məqsədlə büdcədə bu qədər vəsait nəzərdə tutulub”.

Günay Rəsulqızı