Kür-Bakı su xəttində QƏZA: Magistral yolu su basdı - VİDEO
Bakıda magistral su kəmərindən qəza baş verib.
Sfera.az Trend-ə istinadən bildirir ki, hadisə gecə saatlarında Qaradağ rayonunun Lökbatan qəsəbəsində baş verib. Nəticədə Lökbatan qəsəbəsindən keçən avtomobil yolununsu basıb.
"Azərsu"Açıq Səhmdar Cəmiyyətinin Mətbuat xidmətinin rəhbəri Anar Cəbrayıllı faktı Trend-ə təsdiqləyib.
Qurum rəsmisi bildirib ki, gecə saatlarında ərazidən keçən 1200 mm diametrlik Kür-Bakı su xəttində qəza baş verib: "Hadisə gecə saatlarında baş verib. Nəticədə su Bakı-Qazax yoluna çıxıb. Məlumat daxil olan kimi su xətti bağlanılıb, əraziyə qəza xidməti göndərilib. Hazırda qəzanın aradan qaldırılması ilə bağlı tədbirləri görülür. Hazırda "Azərsu"rəhbərliyi hadisə yerindədir, əraziyə canlı qüvvə və xüsusi texnikalar, su nasosları cəlb edilib. Hazırda suyun yoldan kənarlaşdırılması və yolda hərəkətin bərpası istiqamətində tədbirlər görülür".
