Tibb bacısından QORXUNC HƏRƏKƏT: 7 körpəni bu formada…

İngiltərənin Çester şəhərində 7 körpəni öldürməkdə və 10 körpəni öldürməyə cəhddə ittiham olunan tibb bacısı Lüsi Letbi məhkəməyə çıxarılıb.

Sfera.az-ın məlumatına görə, beş körpə oğlan və iki qız uşağını öldürməkdə günahlandırılan Letbi ittihamları rədd edir.

Letbinin 3 dəfə bir körpəni öldürməyə çalışdığı, digər körpəni isə hava vuraraq öldürdüyü iddia edilib.

Prokuror, xəstəxana rəsmilərinin son 18 ayda körpə ölümlərinin artmasının sürətlənməsindən narahat olduqlarını bəyan edib.

Polis bildirib ki, araşdırma zamanı 2015-ci ilin ortalarından 2016-cı ilin ortalarına qədər iki körpənin insulinlə öldürüldüyü məlum olub.

İnsulinlə zəhərlənən digər iki körpənin isə tibb işçilərinin səyi nəticəsində xilas edildiyini deyən prokuror, yenidoğulanlar şöbəsində kiminsə körpələri zəhərləyə biləcəyini heç kimin ağlına gətirmədiyini bildirib.

İşin yekunlaşması altı aya qədər çəkə bilər.(Manset.az)