Zaqatalada qadın ev sahibəsini və fəhləni bıçaqladı
Kateqoriya məlum deyil
Zaqatalada bir nəfər qonşusuna və onun həyətində işləyən fəhləyə bıçaqla xəsarət yetirib.
Sfera.az-ın məlumatına görə, Zaqatala rayon sakini, 1 saylı Respublika Psixiatriya Xəstəxanasında qeydiyyatda olan D.F dünən günorta saatlarında qonşusu G.Cavadovaya məxsus ünvana gələrək qadına və evin həyətində işləyən fəhlə M.Əhmədova mətbəx bıçağı ilə xəsarət yetirib.
DİN-in Mətbuat Xidmətinin Şəki regional qrupundan sorğumuza cavab olaraq bildirilib ki, zərərçəkənlərin xəsarətlərinin dərəcəsinin müəyyən olunması məqsədilə ekspertiza təyin olunub.
Faktla bağlı Zaqatala Rayon Polis Şöbəsində araşdırmalar davam etdirilir.
