“Son dəyişikliyi zarafat hesab edə bilərsiniz” – Ekspertdən sürət həddi ilə bağlı qərara reaksiya
“Paytaxtın mərkəzində xeyli küçədə maksimal hərəkət sürətinin 30 km/saat müəyyən edilməsi əslində heç nəyi dəyişməyəcək”.
Sfera.az bildirir ki, bunu nəqliyyat eksperti Ərşad Hüseynov deyib.
O xatırladıb ki, sözügedən məsələ 2021-ci ildən dünyada geniş müzakirə edilən və bəzi ölkələrdə tətbiq edilən təhlükəsizlik tədbirinə qoşulmaqdır:
“Hamımız gözəl bilirik ki, siyahıdakı küçələrdə nəqliyyatın real faktiki sürəti hətta 20 km/saat-dan da aşağıdır. Bunu nəzərə alaraq, son dəyişikliyi zarafat da hesab edə bilərik: Demək istəyirlər ki, bacarırsınızsa, 30-la sürün. Bu dəyişikliyin sadəcə bir effekti ola bilər: sürücülərimizə yüksək sürətin təhlükəli olduğunu xatırlatmaq".
Qeyd edək ki, Bakı Nəqliyyat Agentliyi (BNA) 33 küçədə sürət həddinin 30 km/saata salındığını açıqlayıb.
Türkan,
Sfera.az
