Müdafiə Nazirliyi MƏLUMAT YAYDI: Genişmiqyaslı təxribat zamanı... - FOTO
![Müdafiə Nazirliyi MƏLUMAT YAYDI: <span style=\"color: #ff0000;\">Genişmiqyaslı təxribat zamanı...</span> -<span style=\"color: #ff0000;\"> FOTO</span>](/_next/image?url=https%3A%2F%2Fcdn.sfera.az%2Ffile%2Farticles%2F2022%2F09%2F20%2F1663655825_49ba2deb-aae2-37bd-b971-22ad174414c5_850.jpg&w=1920&q=75 "Müdafiə Nazirliyi MƏLUMAT YAYDI: <span style=\\"color: #ff0000;\\">Genişmiqyaslı təxribat zamanı...</span> -<span style=\\"color: #ff0000;\\"> FOTO</span>")
Laçın rayonu ərazisində erməni təxribatı zamanı basdırılan daha 100 ədəd mina zərərsizləşdirilib.
Bu barədə Sfera.az-a Azərbaycan Müdafiə Nazirliyindən məlumat verilib.
Bildirilib ki, Ermənistan silahlı qüvvələrinin genişmiqyaslı təxribatı zamanı diversiya qruplarının minaladıqları ərazilərin və təminat yollarının mühəndis-istehkam bölmələrimiz tərəfindən təmizlənməsi prosesi davam edir.
"Laçın rayonu ərazisində aparılan minatəmizləmə fəaliyyəti nəticəsində sentyabrın 19-da Böyük İşıqlı dağının şimal-şərq hissəsindəki dərə boşluğunda 2021-ci ildə Ermənistanda istehsal edilmiş növbəti 100 ədəd Э-001 М tipli piyada əleyhinə mina aşkar edilib.
Azərbaycan Ordusunun mühəndis istehkam-bölmələri tərəfindən aşkar olunan minalar təhlükəsizlik qaydalarına riayət olunmaqla ərazidən çıxarılıb.
Ərazidə mühəndis təminatı üzrə görülən işlər davam etdirilir", - nazirlikdən qeyd olunub.
