Şəhid Cəmil Qurbanzadə Astarada dəfn olunub - FOTO
Kateqoriya məlum deyil
Ermənistan Silahlı Qüvvələrinin son təxribatlarını qəhrəmancasına dəf edərkən şəhid olan Qurbanzadə Cəmil Anar oğlu Astarada dəfn olunub.
Sfera.az Report.az-a istinadən xəbər verir ki, C.Qurbanzadə Laçın istiqamətində düşmənin təxribatlarının qarşısını alarkən şəhadət zirvəsinə ucalıb.
Astaralılar şəhid C.Qurbanzadənin cənazəsini böyük izdihamla qarşılayıb, son mənzilə yola salıblar.
Dəfn mərasimində rayon rəsmiləri, hərbçilər və ictimaiyyətin nümayəndələri iştirak ediblər.
Şəhidin atası Anar Qurbanzadə bildirib ki, şəhidlik əlçatmaz bir zirvədir: "Uşağımı ona görə böyütmüşəm ki, cəmiyyətə, Vətənə yararlı övlad olsun. Mənim xalqımın, millətimin işinə yarasın”.
