“Səfər Mehdiyev mafiya yaratmışdı, bəs indi?” - ETİRAZ

“Gömrük Komitəsinin sabiq sədri Səfər Mehdiyev korrupsioner idi, mafiya yaratmışdı və.s. Bəs indi nə baş verir?”.

Sfera.az bildirir ki, bunu “Qanun” nəşriyyatının icraçı direktoru Şahbaz Xuduoğlu deyib. O, kitablara görə alınan vergidən narazılıq edib:

“Bəzən xarici nəşriyyatlar kitablarından bir neçə pulsuz nüsxə göndərirlər ki,  tərcümədə istifadə edək. “BIOGRAPHY of Fly”dan da 3 nüsxə və kataloq göndərilib. Dünən aeroport gömrüyü bu kitablara görə 139 manat pul tutub. Niyə 3 ədəd pulsuz gələn kitaba görə bu qədər pul ödəməliyik?”.

Ş.Xuduoğlu hazırkı sistemdən gileylənərək bu ifadələrdən istifadə edib:

“Həbsdə yatan adamlara da pulla kitab göndəririk, amma insafən bu qədər eləmir. Bu ölkə həbsxanadan daha betərdir?”.

Türkan