Qubada 500 hektarlıq meşə yanıb - YENİLƏNİB
Quba ərazisində baş verən yanğın artıq lokallaşdırılıb.
Sfera.az report-a istinadən xəbər verir ki, bunu Quba Regional Meşə Təsərrüfatı Mərkəzinin rəhbəri Elvin Baxışov bildirib.
O qeyd edib ki, hazırda bir qədər tüstülənmə var, digər ərazilərə keçmə təhlükəsi yoxdur:
“Quba rayonunun bələdiyyə ərazisində baş verən yanğın sonradan meşə fondu sahəsinə keçib. Ərazi dağlıq relyefə malik olduğundan və güclü küləyin təsiri nəticəsində yanğın zamanı 500 hektar meşə fonduna ziyan dəyib”.
***
13:09
“Bu gün Quba rayonunun Gədik kəndi və Qoşabulaq ərazisinin meşə massivində yanğın başlayıb”.
Sfera.az “Report”a istinadən xəbər verir ki, fövqəladə hallar nazirinin müavini general-leytenant Etibar Mirzəyev deyib.
O bildirib ki, hazırda həmin ərazilərə Fövqəladə Hallar Nazirliyinin üç avtomobili və bir helikopteri cəlb edilib:
“Yanğının söndürülməsi işləri davam etdirilir”.
E.Mirzəyev qeyd edib ki, Quba rayonunun digər ərazilərində yanğın söndürülüb.
