11 ildir ölü kimi qeydiyyata alınan şəxsin qardaşı danışdı: “Qisas almaq niyyəti vardı”

11 ildir ölü kimi qeydiyyata alınan şəxsin qardaşı danışdı: “Qisas almaq niyyəti vardı”

Qubada tragikomik hadisə eşidənləri şoka salıb. 1996-cı ildən Rusiyaya gedən Abil Zeynalov doğulduğu rayonda ölü kimi qeydiyyatdadır.

 

Sfera.az-ın məlumatına görə, Bizim.Media-ya danışan Vətəninə qayıda bilməyən Abilin qardaşı, Qubanın Rustov kənd sakini Nazim Zeynalov bildirib ki, 2011-ci ildən bu işlə məşğul olmağa çalışır:

 

“Quba Qeydiyyat Şöbəsindən arayış almaq istəyəndə qardaşımın ölü kimi qeydiyyatda olduğunu öyrənmişəm. Şoka düşmüşəm o vaxtdan. Yazmadığım yer də qalmayıb - kənd icra nümayəndəliyinə, məhkəməyə və yuxarı təşkilatlara. Heç kim məni eşitməyib 11 ildə. İndi məsələ ictimailəşib.

 

Dövlət təşkilatları mənə, ailəmizə kömək eləsinlər ki, Abil gəlsin öz vətəninə. Ona təcili Azərbaycandan kömək olunmasa, qardaşım indi həqiqətən öləcək”.

 

Nazim Zeynalov məlumat verdi ki, 2011-ci ildə qardaşının ölümü ilə bağlı məhkəmə qətnamə çıxaranda ailədən zərərçəkən kimi heç kim iştirak etməyib:

 

“Qardaşımın keçmiş arvadı bunu edib. Onu haradasa başa düşürəm, acıqlıdır, qisas almaq niyyəti vardı. Bəs sorğusuz hansısa vətəndaşı necə ölü və ya diri elan eləmək olar? Niyə bizim ailədən kimsə çağırılmayıb məhkəməyə? Bu məsələnin özü də kökündən araşdırılmalıdır”.

 

Abil Zeynalovun qardaşı Nazim Zeynalov deyir ki, indi bu olayla bağlı Quba Rayon Məhkəməsinə müraciət etməyə hazırlaşır:

 

“Mənə qardaşımın qayıtması üçün heç bir kömək etməsələr, Ədliyyə Nazirliyinə müraciət edəcəyəm”.

 

Quba Rayon Məhkəməsindən isə bildirilib ki, 2011-ci ildə məhkəmə müraciət əsasında qərar çıxarıb:

 

“Azərbaycan Mülki-Prosessual Məcəlləsinin 312-316-cı maddələrinə əsasən, üç il ərzində barəsində yaşadığı ünvana heç bir məlumat daxil olmursa, həmin şəxs itkin düşmüş sayılır.

 

Barəsində beş il müddətində heç bir məlumat olmadığı təqdirdə isə həmin şəxs ölmüş hesab edilir. Təbii ki, bu zaman onun barəsində müraciət daxil olursa, məhkəmə həmin vətəndaşın ölü olduğu haqqında qərar çıxarır və vətəndaşın sorğusu təmin edilir”.

 

Quba Rayon Məhkəməsindən o da bildirildi ki, ölü kimi qeydiyyatda olan Abil Zeynalov Azərbaycana gələrsə, ona haqqının bərpası üçün lazımi köməklik ediləcək.


OXŞAR XƏBƏRLƏR

Körpə qız "pişik dilində" ünsiyyət qurmaq bacarığı ilə təəccübləndirdi - VİDEO

ABŞ-ın Miçiqan ştatından olan İna, ingiliscə çox məhdud kəlimələrlə danışan qızının miyovlayaraq pişiyi ilə inamla danışa bildiyini müəyyən edib.   Sfe...

Mahnı yox, üçüncü uşaq gəlir: Rihanna “Met Gala”ya hamilə qatıldı

Dünyaca məşhur müğənni və bir dövrün əfsanəsi, pərəstişkarlarının illərdir yeni mahnı gözlədiyi Rihanna yenə körpə sürprizi ilə gəlib. Sfera.az bildirir ki...

Milli əhəmiyyətə malikdir: İngiltərədə nadir dəfinə tapıldı - FOTO

İki xəzinə ovçusu metal detektordan istifadə edərək Anglo-Sakson dəfinəsini kəşf ediblər. İngiltərənin cənub-qərbində aşkarlanan son tapıntılar xalqın diqqətini...

Qeyri-adi doqquzluq əkizlər dördüncü ad gününü qeyd edir - FOTOLAR

Bu yaxınlarda həyat yoldaşları Halima Cisse və Abdelkader Arbi xüsusi bir bayram qeyd ediblər. Onların əkizlərinin dörd yaşı tamam olub.   Sfera.az bil...

İlham Əliyevin Moskvaya getməməsinin - SƏBƏBLƏRİ

Prezident İlham Əliyevin mayın 9-da Moskvada keçiriləcək Qələbə paradına qatılmayacağı barədə məlumat vermişdik.   Sfera.az APA-ya istinadən xəbər ve...

İordaniyada Heydər Əliyevin xatirəsi yad edilib

Ammanda Azərbaycanın milli lideri Heydər Əliyevin anadan olmasının 102-ci ildönümü qeyd edilib, səfir Eldar Səlimov İordaniya-Azərbaycan münasibətlərini ikitərə...