Ötən il Azərbaycanda teatrlara 139,6 min, kinoteatrlara 430 min tamaşaçı gəlib.

Sfera.az xəbər verir ki, bu haqda məlumatı rəsmi məlumatlara istinadən Fərid Mehralızadə paylaşıb.

Məlumatlardan aydın olur ki, il ərzində Sumqayıt və Gəncə teatrlarına Bakıdakı əksər teatrlardan daha çox tamaşaçı gəlib. Nəzərə alsaq ki, Sumqayıt və Gəncə əhalisinin sayı paytaxt əhalisinin sayından xeyli azdır, bu halda Bakıda teatrlara marağın daha az olduğu görünür.

2021-ci ildə ən çox tamaşaçı qəbul edən teatrlar isə bunlardır:

- Kukla teatrı – 16 200
- Sumqayıt Dövlət Musiqili Dram Teatrı – 16 000
- Gəncə Dövlət Kukla Teatrı – 15 100
- Azərbaycan Dövlət Akademik Milli Dram Teatrı – 11 600
- Azərbaycan Dövlət Opera və Balet Teatrı – 9 300
- Rus dram teatrı – 9 000

2021-ci ildə Azərbaycan teatrlarında 1 224 tamaşa səhnələnib və bu tamaşalara toplam 139 600 tamaşaçı gəlib. Hər tamaşada ortalama 114 tamaşaçı olub. Bir tamaşada ortalama ən çox tamaşaçı iştirak edən teatrlar isə Gəncə Dövlət Dram Teatrı (311) və Mingəçevir Dövlət Dram teatrıdır (292).

Ötən il filarmoniyalarda toplam 66 konsert keçirilib. Bu konsertlərə 28 700 tamaşaçı gəlib. Yəni, filarmoniyalardakı hər konsertdə ortalama 435 tamaşaçı iştirak edib.
2021-ci ildə Azərbaycandakı kinoteatrlarda 40 300 kinoseans qeydə alınıb. İl ərzində ölkədə kinoseanslarda 430 000 tamaşaçı iştirak edib.

Pandemiyadan öncə bu rəqəm 1,6 milyon idi.

Vasif
Sfera.az