Milli Yaylaq Festivalının ikinci günü maraqlı anlarla yadda qaldı - FOTOLAR

İyulun 29-31-də keçirilməsi nəzərdə tutulan II Milli Yaylaq Festivalının ikinci günü də maraqlı anlarla yadda qalıb.

Sfera.az xəbər verir ki, Göygöl rayonunun ərazisində yerləşən Hacıkənd Xan Yaylağında “Cavad xan” Tarix və Mədəniyyət fondunun təşəbbüsü, Mədəniyyət Nazirliyinin, Turizm Agentliyinin, Kiçik və Orta Biznesin İnkişafı Agentliyinin və bir sıra dövlət qurumlarının təşkilatçılığı ilə keçirilən II Milli Yaylaq Festivalında 22 xarici ölkədən 300-ə yaxın qonaq iştirak edir.

Xan yaylağının ərzisində yerləşən Yaylaq yurdu etno-qəsəbəsində “Cıdır meydanı”, “Yaylaq bazarı”, “Sənətkarlıq guşəsi”, “Dədə Qorqud ocağı”, “Yaylaq yatağı”, “Pəhləvan meydanı”, “Aşıq Ələsgər ocağı”, “Yaylaq süfrəsi” kimi tematik guşələr fəaliyyət göstərir.

Xarici ölkələrdən dəvət olunmuş etnik musiqi qruplarının ifaları, yerli kollektivlərin çıxışları, aşıq deyişməsi, milli rəqslər, xalq mahnıları, Azərbaycanda yaşayan azsaylı xalqların mədəniyyət nümunələri, səhnəciklər və teatral kompozisiyalar, qədim xalq oyunları, sənətkarlıq məhsulları, milli geyim nümunələri festival iştirakçıların zövqünü oxşayıb.

Festivala bu gün Gənclər və İdman naziri Fərid Qayıbov da qatılıb. Nazir qaliblərə mükafatlarını təqdim edib.

Möhtəşəm festivalın ikinci günündən ən maraqlı anları təqdim edirik:

Fotolar: ANAR BAYRAMLI

Sfera.az