Qədim Şəkidə bir gün - FOTOREPORTAJ
Şəki şəhəri həm meşələri, həm də qədimliyi ilə turistlərin və azərbaycanlıların daim diqqət mərkəzindədir.
Nuxa kimi də tanınan şəhər 1968-ci ildən sonra Şəki adlanır. Halvası, Marxalı, Xan sarayı ilə ağıllarda qalan şəhər qədim tarixə malikdir.
Şəki xan sarayı
1762-ci ildə tikilən abidə Şəki qonaqlarının ən çox diqqətini çəkən və hər il yüzlərlə turist qəbul edən məkanlarındandır. Bina Azərbaycanda ilk müstəqil xanlığın əsasını qoyan Çələbi xanın nəvəsi Hüseyn xanın dövründə tikilib. Saray qala içərisində olmasına baxmayaraq, qədim şərq şəhərləri üçün xarakterik olan əlavə divarlarla əhatə olunub.
Bundan başqa Şəkidə Marxal, Soyuqbulaq, Gələrsən-Görərsən qalası, Mustafa bəyin yeri, Xan yaylağı kimi gəzməli-görməli yerlər də var. Dağların ətəyində yerləşən Marxalda hazırda lüks otel və istirahət mərkəzi fəaliyyət göstərir. Soyuqbulağın ətrafında isə tamamilə yaşıllıqlarla əhatə olunmuş restoran tikilib. Marxala gedən yol Soyuqbulaqdan keçir.
Əməkdaşımız Şəki şəhərində , oradan fotoreportaj hazırlayıb. Qədim şəhərdən maraqlı şəkilləri oxucularımıza təqdim edirik:
FOTOLAR: ANAR BAYRAMLI
