5:1: "Qarabağ" "Lex"i darmadağın etdi - VİDEO/YENİLƏNİB
"Qarabağ" UEFA Çempionlar Liqasının I təsnifat mərhələsində cavab oyununa çıxıb.
Sfera.az xəbər verir ki, Qurban Qurbanovun baş məşqçisi olduğu komanda Polşa "Lex"ini qəbul edib.
Tofiq Bəhramov adına Respublika stadionunda oynanılan qarşılaşma "köhlən atlar"ın 5:1 hesablı qələbəsi ilə başa çatıb.
***
21:40
“Qarabağ” - “Lex” oyununda ağdamlılar 3 dəqiqəyə rəqib qapısına daha 2 qol vurmağı bacarıblar.
Sfera.az xəbər verir ki, 74-cü dəqiqədə Kadi Borges özünün 2-ci “Qarabağ”ın isə 4-cü qolunu vurub.
Daha sonra, 77-ci dəqiqədə Abbas Hüseynov darmadağında pay sahibi olur - 5:1.
Qeyd edək ki, A.Hüseynov 75-ci dəqiqədə meydana daxil olmuşdu.
***
21:18
Bakıda "Qarabağ" və Polşanın "Lex" komandası arasında keçirilən UEFA Çempionlar Liqasının I təsnifat mərhələsinin cavab oyununda 4-cü qol vurulub.
Sfera.az xəbər verir ki, Ağdam təmsilçisindən Kevin Medina 3-cü topu qonaqların qapısından keçirib - 3:1.
***
20:49
"Qarabağ" Bakıda Polşa "Lex"inə qarşı keçirdiyi UEFA Çempionlar Liqasının I təsnifat mərhələsinin cavab oyununda hesabda önə çıxıb.
Sfera.az xəbər verir ki, 42-ci dəqiqədə Filip Ozobiç 2-ci topu qonaqların qapısından keçirib - 2:1.
Nəticədə "Qarabağ" fasiləyə üstün yollanıb.
***
20:26
Bakıda "Qarabağ" və Polşanın "Lex" komandası arasında keçirilən UEFA Çempionlar Liqasının I təsnifat mərhələsinin cavab oyununda ikinci qol vurulub.
Sfera.az xəbər verir ki, "köhlən atlar"dan Kadi Borges 14-cü dəqiqədə hesabı bərabərləşdirib.
***
20:05
Bakıda "Qarabağ" və Polşanın "Lex" komandası arasında UEFA Çempionlar Liqasının I təsnifat mərhələsinin cavab oyunu başlayıb.
Sfera.az xəbər verir ki, qonaqlar 20-ci saniyədə hesabı açıblar. Poznan təmsilçisindən Kristoffer Velde fərqlənib.
***
19:00
Azərbaycanı Çempionlar Liqasında təmsil edən “Qarabağ” birinci təsnifat mərhələsində cavab matçına çıxır.
Sfera.az xəbər verir ki, Ağdam təmsilçisi ilk görüşdə Polşada 0:1 hesabı ilə uduzduğu “Lex”i qəbul edəcək.
Oyun saat 20:00-da Tofiq Bəhramov adına Respublika stadionunda başlanacaq. Görüşü ingiltərəli FIFA referisi Endryu Medli idarə edəcək.
Cütün qalibi ÇL-in ikinci təsnifat mərhələsində İsveçrə çempionu “Sürix”lə qarşılaşacaq. Cütün məğlubu isə avrokuboklarda mübarizəni başa vurmayacaq və Konfrans Liqasında yarışacaq. Burada “Qarabağ” və ya “Lex” KL-in 2-ci təsnifat mərhələsində oynayacaq. Rəqib isə Çempionlar Liqasının 1-ci təsnifat mərhələsinin “Slovan” (Slovakiya) – “Dinamo” (Batumi, Gürcüstan) cütünün məğlubu olacaq. Bu komandaların Slovakiyadakı ilk oyunu heç-heçə yekunlaşıb - 0:0.
Çempionlar Liqası, 1-ci təsnifat mərhələsi
Cavab oyunu
20:00. “Qarabağ” - “Lex”
Hakimlər: Endryu Medli, Daniel Kuk, Harri Leonard, Simon Huper
Tofiq Bəhramov adına Respublika Stadionu
İlk oyun - 0:1
Komandaların start heyətləri açıqlanıb:
“Qarabağ”: 1. Şahruddin Məhəmmədəliyev, 5. Maksim Medvedev, 7. Riçard Almeyda, 8. Marko Yankoviç, 10. Abdullah Zubir, 19. Filip Ozobiç, 20. Kadi Borges, 25. İbrahima Vadji, 29. Marko Veşoviç, 44. Elvin Cəfərquliyev, 81. Kevin Medina
Ehtiyat oyunçular: 23. Luka Quqeşaşvili, 89. Amin Ramazanov, 4. Rahil Məmmədov, 11. Ovusu Kvabena, 13. Bəhlul Mustafazadə, 15. Leandro Andrade, 18. İsmayıl İbrahimli, 22. Musa Qurbanlı, 27. Toral Bayramov, 30. Abbas Hüseynov, 55. Bədavi Hüseynov, 77. Ramil Şeydayev
Baş məşqçi: Qurban Qurbanov
“Lex”: 1. Artur Rudko, 2. Joel Pereyra, 5. Pedro Reboşu, 6. Yesper Karlström, 9. Mikael İshak, 16. Antonio Miliç, 21. Mixal Skuras, 22. Radoslav Muravski, 23. Kristoffer Velde, 24. Joao Amaral, 37. Lubomir Şatka
Ehtiyat oyunçular: 31. Kşiştof Bakovski, 35. Filip Bednarek,11. Filip Marçvinski, 14. Georgi Tsitaişvili, 17. Filip Şimçak, 20. Maksimilian Pinqot, 30. Nika Kvekveskiri, 44. Alyan Çervinski, 90. Artur Sobeh
Baş məşqçi: Con van den Brom
