Zaqafqaziyanın ilk dəmir yolu və tarixi körpülər uçmaq təhlükəsi ilə üz-üzədir - FOTOLAR
Gədəbəydə iki əsr öncəyə aid dəmir yolu və tarixi abidə sayılan körpülər uçmaq təhlükəsi ilə üz-üzədir.
Sfera.az xəbər verir ki, bu barədə sosial şəbəkədə məlumat paylaşılıb.
Məlumata görə, Siemens qardaşları tərəfindən 1879-cu ildə çəkilmiş dəmir yolu Zaqafqaziyanın ilk dəmir yoludur.
Gədəbəy-Qalakənd arasında salınmış dəmir yolunun uzunluğu 28 km-dir. Dəmir yolu keçmişdə mədəndə işləyən insanların, həm də mədəndən çıxarılan dəmir filizin daşınması üçün istifadə olunub.
Ərazi relyefli olduğundan, 28 km-lik yolda Verner fon Siemens tərəfindən ümumilikdə 7 körpü layihələndirilib.
Lakin günümüzə "Simens qardaşları körpüsü" də adlandırılan həmin körpülərdən üçü gəlib çatıb. Onların vəziyyəti isə acınacaqlıdır.
XIX əsrin qalığı olan dəmir yolu və körüplərin görüntülərini təqdim edirik:
Orxan
Sfera.az
