Sabiq deputat, biznesmen Mahir Aslanovun oğlu məhkəməyə verilib.

Gundem.az xəbər verir ki, M. Aslanovun oğlu Ramil Aslanovu “Bazarstore” supermarketlər şəbəkəsi məhkəməyə verib. Buna səbəb R. Aslanovun supermarketlər şəbəkəsinə xidmət haqqı borcunu ödəməməsidir.

Borcunu geri ala bilməyən “Bazarstore” ümid yerini Bakı Kommersiya Məhkəməsinə müraciətdə görüb. Supermarketlər şəbəkəsinin müraciətinə hakim Fərrux Qasımovun sədrliyi ilə baxılacaq.

Qeyd edək ki, Ramil Aslanov həmçinin Bakı Dövlət Universitetinin hüquq fakültəsində müəllim işləyir. Hüquq elmləri namizədidir. Atası Mahir Aslanov isə uzun illər Naftalan-Goranboy bölgəsini Milli Məclisdə təmsil edib.