”Zərif Qadın Klubu” Buzovna qəsəbəsi 1 saylı psixonevroloji sosial xidmət mərkəzində görüş keçirdi

"Zərif Qadın Klubu” zərifliyi özündə əks etdirən xanımların birliyi üçün yaradılan sosial layihədir.

Klubun əsas məqsədi cəmiyyətdə özünə güvənən, uğurlu, pozitiv, sağlam həyat tərzi keçirən xanımların birliyini yaratmaq və bu birlik vasitəsilə Azərbaycanın zəriflərinə dəstək olmaqdır.

Zərif Qadın Klubu, öz ənənəsinə sadiq qalaraq bir çox tədbirlər, xeyriyyə görüşləri keçirməkdə davam edir.

Zərif qadın klubu psixonevroloji sosial xidmət mərkəzinin sakinləri ilə görüşüb, onların qayğıları ilə maraqlanıb, xoş, əyləncəli bir gün keçiriblər.

Onları sevgidən məhrum edənlər, insan olmaq cəsarətini belə göstərə bilmədikləri halda, "Zərif Qadın Klubu" komandası Sərvin Qənizadə, Zəhra İsgəndərova, Şəhla Nəcəfova, klub üzvləri və "Lafarella" markası, "AzGranata" MMC, "Xurcun", "Brot Haus" , "Sağlam Ailə" tibb mərkəzi, "Eco Formuls", "166 Yük Taksisi" xidməti, "Edelveiss", "Fresco" marketlər şəbəkəsi sovqatlar və hədiyyələr ilə sevgiyə, qayğıya ehtiyacı olan yaşlı və əlillərin könüllərini şad etməyə çalışıblar.

Kiçik bir təbəssüm böyük bir ümid ola bilər. Gəlin bu gülüşümüzü, qayğımızı və sevgimizi ehtiyacı olan insanlardan əsirgəməyək.

Sözügedən, ürəkləri kövrəldən, xeyirxah insanların varlığını, yaxşılığın ölmədiyini sübut edən videonu sizə təqdim edirik...