"Moody’s”
reytinq agentliyinin hesablamalarına görə, son illər dünyada müşahidə edilən
əhalinin qocalması prosesi 2020-2025-ci illərdə qlobal iqtisadi artımı 0,9%
azaldacaq.
Agentliyin ekspertləri hesab edirlər ki, əhalinin artımının zəifləməsi
məhsuldarlığın artım tempinin bir neçə il azalmasından sonra, o cümlədən
pendemiyaya görə borclanmanın artımı fonunda bütün dünyada baş verir. Qocalma
səhiyyə və sosial təminat xərclərinin artımı nəticəsində fiskal yükü daha da
artıracaq. Qocalmadan əziyyət çəkən ölkələrdə iqtisadi artımın əsas mənbəyi
rolunu işçi qüvəsi qismində cəlb edilən qadınlar və yaşlı işçilərin təşkil
edəcək.
Qiymətləndirmələrə
görə, əmək qabiliyyətli əhalinin qlobal artımı yaxın 20 ildə yarıbayarı
azalacaq. Almaniya, Yaponiya, İtaliya, İspaniya və Koreya da daxil olmaqla Avropa
əmək qabiliyyətli əhalinin azalması ilə üzləşərək ən "qoca” regiona çevriləcək.
Sfera.az
iqtisadçı-ekspert Samir Əliyevə istinadən bildirir ki, Dünya Səhiyyə
Təşkilatının meyarlarına görə, yaşı 65 və daha yuxarı olan insanların əhali sayında payı 7%-i ötürsə, həmin ölkənin əhalisi qoca hesab
edilir. Ekspertin məlumatına görə, Rusiyada 2020-ci ilin
əvvəlinə bu göstərici 15,5%, Azərbaycanda isə 7,2%-dir. S.Əliyev Azərbaycanda qoca əhalinin payı 2013-cü
ildən (5,8%) artım tendensiyası nümayiş etdirdiyini də söyləyib: "Hazırki səviyyə (7,2%) açıqlanan rəsmi
statistik məlumatların daxil edildiyi 1959-cu ildən bəri ən yüksək göstəricidir”.
