Aysel Əlizadə: "Kaş qoxunu şəhvətdən alardım"
Şair, yazıçı Aysel Əlizadə özünün Feysbuk hesabında yeni şeirini paylaşıb. Erotik çalarları ilə diqqətçəkən şeir yazıçının izləyiciləri tərəfindən birmənalı qarşılanmayıb.
Marağa səbəb olan həmin şeiri təqdim edirik:
Kaş yatağımı bunca yalqız qoymazdın
qoxunu həsrətdən yox,
şəhvətdən alardım.
Kaş dodaqlarımı
dodaqlarının arasında yatırardın.
Necə başlamışdısa, eləcə bitərdi.
Gərək gözəl ayrılardıq.
Sən gözüyumulu,
yarıoyaq, yarıyuxulu
alnımdan boynuma
dodağınla cizgi çəkərdin,
başımı geri atıb aşağı ötürüb
yol verərdim mən də sənə.
Sən nəfəsini yel kimi dərimə üfürüb
İsti küləyim olardın yenə.
Bütün hücrələrimlə yanardım onda.
Səhra kimi uzanardım altında, suyum olardın...
Soyudardın qumsallığımı,
canına çəkərdin qadınlığımı.
Kaş gözəl ayrılardıq...
Tanrı kimi sevişib gedərdin.
Bətnimdə bəyaz iz buraxardın, Sənə bir İsa doğardım ki...
Ülvi
Sfera.az
