Martda Türkiyəyə gedən azərbaycanlıların sayı açıqlandı
Kateqoriya məlum deyil
2016-cı ilin mart ayında 41 min 301 nəfər azərbaycanlı Türkiyəyə ziyarət edib. Bu isə ötən ilin anoloji dövrü ilə müqayisədə 15,89% azalma deməkdir.
Bu barədə Sfera.az Türkiyə Mədəniyyət Turizm Nazirliyinə istinadən xəbər verir.
Qeyd edək ki, 2015-ci ilin mart ayında qonşu ölkəyə 49 min 102 nəfər azərbaycanlı səfər edib.
Gələn turistlər arasında azərbaycanlıların payı 2016-cı ilin mart ayında 2,50%, 2015-ci ilin mart ayında isə 2,59% olub.
Ümumilikdə 2016-cı ilin mart ayında Türkiyəyə ziyarət edən turistlərin sayı ötən ilin anoloji dövrü ilə müqayisədə 12,84% azalaraq, 1 milyon 652 min 511 nəfər olub.
