5 yaşında ana olan qadın vəfat etdi – FOTO
Peruda insan tarixində ən gənc ana hesab edilən Lina Medine vəfat edib. O, 83 yaşında dünyasını dəyişib. Hadisə 1939-cu ildə baş verib. Məhz həmin il o, beş yaşında olarkən uşaq dünyaya gətirib. Bu hadisə indi də həkimləri şok edir. Dünyaya gələn uşaq sağlam idi və yaşıdlarından heç nə ilə seçilmirdi. Linanın doğulanda 2,7 kq çəkisi olan oğluna doğuşu qəbul edən həkimin - Herardonun adı verilmişdi. Oğlan evdə Linanı öz bacısı bilərək böyüyüb, amma 10 yaşında həqiqəti öyrənib. O, sağlam uşaq olub, amma 1979-cu ildə 40 yaşında vəfat edib. Medine öz birinci uşağından demək olar ki, 40 il çox yaşadı. Tibb işçiləri qızın qeyri-adi olduğunu bildiriblər, belə ki, onda mensturasiya səkkiz aylığında başlayıb. Gənc ananın tibbi kartında mensturasiyanın səkkiz aylığında, süd vəzilərinin isə dörd yaşında formalaşdığı bildirilir. Onun hamilə qalması isə valideynlərinin qızın qarnı getdikcə böyüdüyü üçün, onu mədəsinin şişməsindən şübhələnərək həkimə aparmalarından sonra məlum olub. Daha sonra Lina Medine ailə qurdu və başqa övladları, nəvələri və nəticələri olsa da o, Herardonun atasının kim olduğuna dair sirri açmadı./file/articles//file/articles/Oxu.az
