Düşmən bu gün Tərtərə 69 top mərmisi atıb
Kateqoriya məlum deyil
Oktyabrın 31-də Ermənistan silahlı qüvvələri Tərtər şəhərini, ətraf qəsəbə və kəndləri atəşə tutub.
Sfera.az xəbər verir ki, gün ərzində düşmən tərəfindən rayon ərazisinə ümumilikdə 69 top mərmisi atılıb.
Sentyabrın 27-dən oktyabrın 31-dək Ermənistan silahlı qüvvələrinin bölmələri rayon ərazisinə ümumilkdə 15 571 top mərmisi atıb, 17 nəfər ölüb, 54 nəfər yaralanıb.
Nəticədə 887 evə ziyan dəyib, 134 ev, 32 yardımçı tikili, 2 sosial ev, 1 çoxmənzilli yaşayış binası, 3 istehsal obyekti, 11 ticarət obyekti, 2 inzibati bina və 2 ictimai-iaşə obyekti tamamilə dağılıb.
Bundan başqa, 64 çoxmənzilli yaşayış binasına, 67 yardımçı tikiliyə, 25 sosial obyektə, 1 abidəyə, 8 istehsal obyektinə, 3 su təchizatı obyektinə, 1 istilik təchizatı obyektinə, 28 ticarət obyektinə, 5 xidmət sahəsinə, 17 inzibati binaya, 10 məzar daşına ziyan dəyib.///Report
