Bakı şəhər Dövlət Yol Polis İdarəsi komendant saatı ilə bağlı sürücülərə MÜRACİƏT ETDİ

Bakı şəhər Dövlət Yol Polis İdarəsi vətəndaşlara, avtomobil sahiblərinə və sürücülərə müraciət edib.

Sfera.az sözügedən müraciəti təqdim edir:

Bakı şəhərində 21:00-dan ertəsi gün saat 06:00-dək komendant saatı tətbiq edildiyindən təkrarən bildiririk ki, komendant saatının qüvvədə olduğu müddətddə hər bir hərəkət iştirakçısı xidməti vəsiqə və ya "icaze.e-gov.az” portalında qeydiyyatdan keçməklə hərəkət etməlidir.

Məlumat üçün bildiririk ki, komendant postlarına giriş-çıxış edən hər bir hərəkət iştirakçısı əvvəlcədən gedəcəkləri ünvana olan məsafəni və vaxtı nəzərə alıb, komendant saatı başlayanadək və yaxud işini başa çatdırmayan, eləcə də komendant saatı dövründə xüsusi icazəsi və ya şəxsiyyət vəsiqəsi olmadığı halda qaldıqları (olduqları) ünvanı tərk etməməsi tövsiyyə olunur.

Eyni zamanda komendant saatının tələbi pozulursa, vətəndaş, sürücü, sərnişin müddət bitənədək ərazi polis orqanlarında saxlanılır və Azərbaycan Respublikası İnzibati Xətalar Məcəlləsinin 517-ci maddəsinə əsasən barəsində inzibati tənbeh tədbiri həyata keçirilir.

Təkrarən bildiririk ki, fiziki şəxslər 30 manatdan 50 manatadək, vəzifəli şəxslər 100 manatdan 150 manatadək, hüquqi şəxslərisə 1000 manatdan 1500 manatadək cərimələnə bilər.

Bir daha tələblərə uyğun hərəkət etməyinizi əvvəlcədən xahiş edirik.

Bakı şəhər BPİ DYPİ HTT və İQƏB-in rəisi, polis polkovniki: Vaqif Əsədov