Sentyabrdan rayonlara gediş-gəliş açıla bilər - YENİ QAYDALAR...
"Xarici ölkələrə gedənlər necə test verir, nəticəni öyrəndikdən sonra gedə bilirsə, bu qaydanı rayonlara gediş-gəliş üçün də tətbiq etmək olar”.
Bunu Redaktor.az-a açıqlamasında millət vəkili Fəzail Ağamalı bildirib.
Deputatın sözlərinə görə, müəyyən qayda-qanunlar əsasında rayonlara gediş-gəliş bərpa olunmalıdır:
"Pandemiyanın doğurmuş olduğu problemlərin narahatçılığından indi-indi xilas olmağa başlayırıq. Ümid edirik ki, yaxın zamanda tamamilə bu bəladan qurtulacağıq. Bu məsələdə olduqca ölçüb-biçilmiş addımlar atılmalıdır. Düşünürəm ki, müəyyən qayda-qanunlar əsasında rayonlara gediş-gəliş bərpa olunmalıdır. Ciddi şəkildə virusa yoluxmuş bölgələrimiz xaric, digər rayonlara gediş-gəliş açıla bilər. Lakin həmin rayonlara da yalnız qeydiyyatda olan şəxslər buraxılmalıdır".
F. Ağamlı qeyd edib ki, hər mənada ciddi karantin rejiminin tələblərinə; sosial məsafənin qorunması, tibi spirt və maskadan istifadə qaydalarına əməl olunmalıdır.
