Yeni dünya reytinqi - Azərbaycanın yeri
Kateqoriya məlum deyil
FİFA dünya yığmalarının növbəti reytinq cədvəlini açıqlayıb.
Publika.az xəbər verir ki, Azərbaycan millisi ötən ayla müqayisədə 22 pillə geriləyib.
Hazırda 269 xala malik yığma 134-cü mövqedədir. Belə geriliyə martın 26-da keçirilmiş yoldaşlıq görüşündə Qazaxıstana 0:1 hesablı məğlubiyyət ciddi təsir edib. Əvəzində rəqib bu qələbə və Gürcüstanla səfər matçındakı 1:1 hesablı heç-heçə sayəsində 9 pillə irəliləyərək, 300 xalla 116-cı mövqedə qərarlaşıb. Halbuki ötən ay məhz Azərbaycan millisi bu qədər xala malik idi.
Qeyd edək ki, növbəti reytinq siyahısı mayın 5-də açıqlanacaq.
