“Məhsul yığımı başladı…” – “AzNar” bolluq vəd edir

"AzNar” şirkəti məhsul yığımına start verib.

Sfera.az-ın məlumatına görə, bu haqda "AzNar”ın Direktorlar Şurasının sədri, milyarder Fərhad Əhmədov məlumat verib.

O facebook profilində bunları yazıb: "Məhsul yığımı başladı. 360 hektarda yerləşən "Prima", "Yalova", "Atasarı", "Kardinal", Superrior" üzüm sortları adama "gəl-gəl" deyir.. "AZNAR", hər zaman olduğu kimi, məhsulunun yüksək səviyyəsinə zəmanət verir”.

Məlumat üçün bildirək ki, "AzNar” 1982-ci ildə fəaliyyətə başlamış Göyçay Konserv Zavodunun nəzdində formalaşıb.

"AzNar”- 2006-cı ilin may ayında yaradılıb. Rusiyada yaşayan azərbaycanlı tanınmış iş adamı, milyarder Fərhad Əhmədov zavodu öz şəxsi hesabı ilə aldıqdan sonra müəssisə tamamilə yenilənib. Avropa standartlarına cavab verən texnoloji avadanlıqlar quraşdırılıb. Əl əməyi demək olar ki, sıradan çıxıb.