“Bu ölkə Türkiyə ilə müharibəyə hazırlaşır” – Türkiyəli hərbi ekspertlə MÜSAHİBƏ

“Bu ölkə Türkiyə ilə müharibəyə hazırlaşır” – Türkiyəli hərbi ekspertlə MÜSAHİBƏ
Türkiyənin terror və təhlükəsizlik üzrə eksperti Abdullah Ağar Sfera.az-a müsahibəsi.

- Son zamanlar Yunanıstanın ciddi şəkildə silahlanmağa başladığı müşahidə edilir. Xüsusilə ABŞ-la Yunanıstan arasında müdafiə əməkdaşlığı üzrə yeni protokolların imzalanması, bundan başqa Fransa ilə strateji ortaqlıqla bağlı müqavilə bu iddianı təsdiqləyir. Sizcə rəsmi Afinanın bu tezlikdə silahlanmasının səbəbi nədir?

- Yunanıstanın qısa zamanda böyük ölçüdə silahlanması öz iradəsi ilə baş verən bir hadisə deyil. Çünki rəsmi Afinanın belə bir silahlanmaya getmək üçün büdcəsi yoxdur. Bu ölkənin hazırda təxminən 600 milyard avro xarici borcu var. Hesablamalara görə, Yunanıstan bu borcunu 2060-cı ildən tez ödəyə bilməyəcək. Yəni borc bataqlığında üzən bir ölkənin birdən-birə bu həcmdə silahlanmaya getməsi aydın məsələdir ki, öz iradəsi ilə deyil. 
 
- Abdullah bəy, rəsmi Afinanın bu davranışını həm də kiçik həcmli regional bir soyuq müharibə adlandıra bilərik?

- Prinsip etibarilə, Yunanıstanla Türkiyə arasında soyuq müharibə var. Bu ölkənin Egey dənizi, Trakya, İstanbul, İzmir, Qərbi Anadolu ilə bağlı iddiaları heç bir zaman bitmir. Yəni rəsmi Afina bu gün fürsət tapsa Birinci Dünya muharibəsində olduğu kimi, Türkiyəyə arxadan zərbə endirə bilər. Ancaq onu da qeyd edim ki, Yunanıstan heç bir zaman təkbaşına Türkiyə ilə qarşılaşa bilməz. Buna gücü də, qüdrəti də yetməz. Şərtlər Birinci Dünya müharibəsində olduğu kimi formalaşsa, Yunanıstan da bu fürsətdən istifadə edə bilər.
 
- Qeyd etdiniz ki, Yunanıstanın 600 milyard avro xarici borcu var. Elə isə rəsmi Afinaya silahlanma üçün hansı ölkə maliyyə dəstəyi ayırır?

- Yunanıstanın silahlanması üçün maliyyə yardımını kimin etdiyi bəllidir. Bilidyiniz kimi, 4 oktyabrda Vaşinqtonda ABŞ-la Yunanıstan arasında müdafiə əməkdaşlığı üzrə yeni protokollar imzalanacaq. Bundan əlavə, borc və ya icarə yolu ilə də Vaşinqton Afinanı silahla təmin edir. Nəticə etibarilə ABŞ Yunanıstanı borclandıraraq özündən asılı vəziyyətə gətirir. Pirinsip etibarilə bu silahlar sinfinin son model ən yeni silahları da deyil. Əksəriyyəti köhnə, ABŞ ordusu üçün yararsız hesab edilən silahlardır.
 
- Abdullah bəy, qeyd etdiniz ki, Yunansıtanı silahlandıran ölkə ABŞ-dır. Ancaq həm Yunanıstan, həm də Türkiyə ABŞ-da təmsil olunduğu NATO ölkəsidir...

- Bəli, həm Türkiyə, həm də Yunanıstan NATO ölkəsidir. Lakin məsələ ondadır ki, ABŞ bu situasiyada tərəfsiz deyil. Əksinə ABŞ-ın tərəfi bəllidir. Mahiyət etibarilə Vaşinqtonun Afinanı silahlandırması bu ölkənin geosiyasi maraqlarından irəli gəlir. Digər tərəfdən, Yunanıstan Qərbin və Rusiyanın dəstəyini ala bilən nadir ölkədir. Bu ölkə iki siyasi gücün ortaq maraqlarından istifadə edə bilir. Bu ortaq maraq isə Türkiyənin zəiflədilməsidir.
 
Turan Rzayev
 
Sehliyali
Turan Bank

OXŞAR XƏBƏRLƏR

“Bu ölkə Türkiyə ilə müharibəyə hazırlaşır” – Türkiyəli hərbi ekspertlə MÜSAHİBƏ

Türkiyənin terror və təhlükəsizlik üzrə eksperti Abdullah Ağar Sfera.az-a müsahibəsi. - Son zamanlar Yunanıstanın ciddi şəkildə silahlanmağa başladığı ...

Mahir Qurbanov Kosta-Rika mediasına müsahibə verib

Qafqaz-İberoamerika Düşüncə Mərkəzinin rəhbəri Mahir Qurbanov Kosta-Rikanın tanınmış  "La Voz de Goicoechea” xəbər portalına müsahibə verib. Sfera...

“Qarabağda işlək yollar kamera nəzarəti altında olmalıdır” – Mina təhlükəsindən necə qorunmalı?

Bu gün ikisi media əməkdaşı olmaqla 3 vətəndaşımız Kəlbəcər rayonunda xidməti vəzifələrini yerinə yetirərkən minaya düşərək həlak olublar. Hadisə nəticəsində ...

“Azərbaycan səhiyyəsi reanimasiyadadır...” – Cümşüd Nuriyev

"Ölkədə xoşagəlməz bir ənənə formalaşıb. Yeni rəhbər özündən əvvəlki kadrları peşəkarlığıq səviyyəsindən asılı olmayaraq vəzifələrdən uşaqlaşdırır”. Bu...

Ermənilər Şuşaya “İskəndər”i nə vaxt atıb? - Müsahibə

Azərbaycan Respublikasının Minatəmizləmə Agentliyinin (ANAMA) İdarə Heyəti sədrinin müavini Samir Poladov müsahibə verib. Sfera.az həmin müsahibəni təqdim...

"Bu gün regiondakı bir çox format Azərbaycana bağlıdır" – Fərhad Məmmədov

İndi bir çox ölkə öz geosiyasi vektorunu müəyyənləşdirmək məsələsi ilə üzləşəcək. Qərb vektoru, xüsusilə əxlaq, siyasi etika və iqtisadi hərarətin hədsiz yüks...