Kreml sözçüsü Paşinyanın Putinə yazdığı məktubla bağlı açıqlama verdi
Kateqoriya məlum deyil
Kreml Paşinyanın hərbi yardım xahişi ilə Putinə yolladığı məktubla bağlı sualı cavablandırıb.
Sfera.az RİA.”Novosti” yə istinadla xəbər verir ki, ötən həftə Ermənistan baş nazirinin səlahiyyətlərini icra edən Nikol Paşinyan parlamentin növbədənkənar iclası zamanı Putinə məktub yazdığını, Azərbaycanla sərhəddə yerləşən Sünik bölgəsindəki vəziyyətə görə ondan hərbi kömək də daxil olmaqla, yardım istədiyini bildirmişdi.
"Bilirsiniz ki, Rusiya və Ermənistan tərəfləri daim təmasdadır. Biz həmçinin Bakı ilə də təmasdayıq. Prezident Putin üçtərəfli razılaşmaların alternativsiz icra olunmasının tərəfdarıdır. Hazırda gərginliyin aradan qaldırılması və vəziyyətin düzəlməsi üçün səylər göstərilir”,-deyə Peşkov jurnalistlərə söyləyib.
Kremlin sözçüsü Rusiya prezidentinin Paşinyanın məktubunu alıb-almadığı barədə suala cavab verməkdə çətinlik çəkib. "Bu haqda dəqiq məlumatım yoxdur, amma təbii ki, bütün bu məsələlər ikitərəfli təmaslar zamanı dəfələrlə müzakirə edilib",- deyə Peskov qeyd edib.Selcan
Sfera.az
