ABŞ dövlət katibi İlham Əliyevə niyə zəng edib? – “Bu, ermənilər üçün “soyuq duş” effektidir”

Kateqoriya məlum deyil29.04.2021 10:47

Xəbərləri Google-da birbaşa sfera.az-dan alınGoogle-da sfera.az-a abunə olGoogle axtarışında sfera.az-ı seçilmiş mənbə kimi əlavə edinAbunə ol

Xəbər verdiyimiz kimi, dünən ABŞ dövlət katibi Entoni Blinken Azərbaycan Respublikasının Prezidenti İlham Əliyevə zəng edib.

Bununla bağlı politoloq Əlimusa İbrahimovSfera.az-a açıqlamasında deyib ki, telefon zəngini Cozef Bayden ABŞ-ın prezidenti kimi fəaliyyətə başladığı vaxtdan bəri iki ölkə arasında keçirilən ən yüksək səviyyəli kontakt hesab etmək olar:

"Diqqəti çəkən ilk məqam məhz Blinkenin özünün Azərbaycan Prezidentinə zəng vurmasıdır. Deməli, ABŞ Azərbaycanla münasibətləri yeni səviyyəyə qaldırmaqda daha çox maraqlıdır. Bu, həm də Azərbaycanın regionda daha da artmaqda olan nüfuzunun göstəricidir. Söhbət zamanı Entoni Blinkenin bu il də "Azadlığa Dəstək Aktı”na 907-ci düzəlişin müvəqqəti dayandırıldığını qeyd etməsi onun Azərbaycanla münasibətlərin inkişaf etdirilməsi istiqamətində addım atmaq istədiyinin daha bir sübutu olub. Məlum olduğu kimi 907-ci düzəliş — 1992-ci ildə erməni lobbisinin təşəbbüsü ilə ABŞ Konqresi tərəfindən "Azadlığa Dəstək" Aktına qəbul edilən və Azərbaycana ABŞ birbaşa dövlət yardımını yasaqlayan düzəlişdir.

Ermənistan-Azərbaycan müharibəsindən sonrakı vəziyyətlə bağlı fikir mübadiləsi aparılması da telefon söhbətinin maraqlı məqamlarındandır. Blinken və ABŞ rəhbərliyinin Dağlıq Qarabağ ətrafında gedən proseslər haqqında ölkə başçısı tərəfindən məlumatlandırılması oradakı təsəvvürlərin tamamilə dəyişməsinə səbəb olacaq. İlham Əliyevin son hadisələr barədə Blinkenə verdiyi məlumatlar, düşünürəm ki, ölkəmiz və prezidentimiz haqqında ermənilərin yaratdığı stereotipləri tamamilə darmadağın edəcək”.

Politoloq qeyd edib ki, Baydenin erməniləri ruhlandıran son hərəkəti telefon söhbəti zamanı müzakirə olunan əsas məsələ olub: "Telefon söhbəti bir qədər əvvəl - ən azından Baydenin məlum demarşından əvvəl baş versəydi, Türkiyə və Azərbaycan baxımından daha əhəmiyyətli olardı. Bəlkə də ölkə başçısı ermənilərin etdikləri vəhşiliklər haqqında tutarlı dəlillər gətirməklə Cozef Baydeni bu üzqarası bəyanatı verməkdən çəkindirməyə nail ola bilərdi. İstənilən halda, Entoni Blinkenin İlham Əliyevlə telefon söhbəti iki ölkə arasında yeni məzmunlu münasibətlərin qurulması baxımdan çox əhəmiyyətlidir. Əminəm ki, Blinken MDB məkanında İlham Əliyev kimi mahir siyasətçi, bacarıqlı dövlət başçısı kəşf etdiyi haqda Cozef Bayden və ətrafındakıları artıq məlumatlandırıb”.

"Atlas” Araşdırmalar Mərkəzinin rəhbəri Elxan Şahinoğlu isə bildirib ki, ABŞ dövlət katibinin İlham Əliyevlə məhz indi danışması ermənilərə "soyuq duş” effektidir: "Ermənilər neçə gündür, ABŞ prezidenti Co Baydenin "erməni soyqırımı” ifadəsini işlətməsini toy-bayram edirlər. Halbuki, bu gün Dövlət Departamentinin açıqlamasında xüsusi qeyd edilib ki, prezidentin "soyqırım” ifadəsinin Türkiyə Cumhuriyyətinə aidiyyatı yoxdur. Oxşar açılama Pentaqondan da yayınlanıb. Ayrıca, Entoni Blinken telefonda İlham Əliyevin Amerika prezidentinin "erməni soyqırımı” ilə bağlı bəyanatının Azərbaycan hakimiyyəti və cəmiyyəti tərəfindən narahatlıqla qarşılandığı sözlərini də dinləməli olub.

İlham Əliyevin dilindən "Türkiyə Azərbaycanın yaxın dostu və müttəfiqidir, postmüharibə dövründə bölgəmizdə çox önəmli və müsbət rol oynayır” sözlərini eşidən Blinkenə izah edilib ki, Türkiyə əleyhinə atılan istənilən addım Azərbaycan əleyhinə atılan addım kimi dəyərləndirilməlidir”.

Günay Rəsulqızı

PAYLAŞ

Ukraynalı Putinin varisi ola bilərdi: Keçmiş dostu AÇIQLADI

Xmelnitski vilayətindən olan Valentina Matviyenko əvvəllər Vladimir Putinin varisi kimi nəzərdə tuturdu. Sfera.az xəbər verir ki, bu barədə Rusiya prezidenti Vladimir Putinin keçmiş dostu, hazırda Fransada yaşayan Sergey Puqaçov açıqlama verib. "Mən Valyanı yaxşı tanıyıram. Valentinanın adı bir vaxtlar Putinin varisi kimi çəkilirdi... O, Medvedyev və Sergey İvanovdan əvvəl də ən ehtimal böyük ehtimal olunan varisi idi. O, o zaman Sankt-Peterburq qubernatoru idi. Putin həqiqətən də onu dəvət

Yol kənarında faciəvi şəkildə ölənlər maşını imsak üçün saxlayıblarmış... - VİDEO

Xəbər verdiyimiz kimi, ötən gün Bakının Qaradağ rayonunda iki nəfərin ölümü ilə nəticələnən ağır yol-nəqliyyat hadisəsi baş verib. Sfera.az-ın xəbərinə görə, qəzadan bir neçə dəqiqə öncə Bakı şəhər sakinləri 1984-cü il təvəllüdlü Qurbanov Emil Məhəmməd oğlu və 1967-ci il təvəllüdlü Cəfərov Səyavuş Əyyub oğlu maşını imsak etmək üçün saxlayıblar. Bu zaman Əsədzadə İbrahim Qaraş oğlu nəqliyyat vasitəsini idarəetmə hüququ olmadan idarə etdiyi "Chevrolet” markalı, 99-PC-811 dövlət qeydiyyat nişanlı

Ukrayna savaşında şok çeçen ssenarisi - Sabiq prezidentin oğlu SİRLƏRİ AÇDI

"Rusiya Ukraynanı bir vaxtlar Çeçenistan müharibəsini başlatdığı bəhanə ilə işğal etdi - nasizmlə mübarizə. Əslində, hazırda Ukraynada baş verənlər çeçen ssenarisidir”. Sfera.az xəbər verir ki, bunu UNIAN-a müsahibəsində Çeçenistanın keçmiş prezidentinin oğlu Anzor Məshədov deyib. "Ölkəmizdə normal yaşayırdıq, onlar gələnə qədər hər şey sakit idi... Onlar bu müharibəyə başladılar. Cövhər Dudayev o vaxt bizə lazım olan, bizim və başqa xalqların hörmət etdiyi lider idi. Hər şey yaxşı idi. Yeltsin

Erməniləri dəhşətə gətirən xəbərdarlıq yayıldı: “Xankəndidən təxliyə üçün son beş gün”

Sosial şəbəkənin erməni seqmentində Xankəndi ilə bağlı informasiya sürətlə yayılır. Sfera.az xəbər verir ki, separatçıların adından yayılan məlumatda Xankəndi şəhərinin əhalisinə xəbərdarlıq edilir. Bildirilir ki, buradakı ermənilər aprelin 30-na qədər təxliyə olunacaqlar. Sözügedən informasiya sosial şəbəkənin erməni seqmentində şok effekti yaradıb və böyük təşvişə səbəb olub. (Oxu.az)

Saakaşvilinin münəccimliyi: “Ukrayna Xersonu da, Mariupolu da itirəcək…”

Gürcüstan sərhədini qanunsuz keçməkdə suçlanan sabiq prezident Mixail Saaakaşvilin Tiflis məhkəməsində mühakimə olunduğu günlərdə Ukrayna müharibənin "ürəyi hesab olunan” Mariupola nəzarəti itirdi. Həbsindən əvvəl Ukrayna İslahatları üzrə İcraiyyə Komitəsinin rəhbəri olan Mixail Saakaşvili Mariupolu kurasiya edib. Saakaşvili Mariupolu "ikinci Batumi”yə çevirmək istəyirdi və bu şəhərdə tez-tez olurdu. Təsadüfi deyil ki, sabiq prezidentin anası Giuli Alasania oğlunun Ukraynada olduğu son üç ayda

Reanimasiyaya yerləşdirildiyi deyilən Şoyqu ortaya çıxdı - VİDEO

Rusiya Prezidenti Vladimir Putin Kremldə müdafiə naziri Sergey Şoyqunu qəbul edib. Sfera.az xəbər verir ki, Şoyqu dövlət başçısına Ukraynada aparılan xüsusi hərbi əməliyyat barədə məlumat verib. Qeyd edək ki, Şoyqu infarkt keçirdiyi və reanimasiyaya yerləşdirildiyi barədə yayılan məlumatdan sonra ilk dəfə kameralar qarşısına keçib. Belə ki, Rusiya-İsrailin ictimai xadimi Leonid Nevzlin bildirmişdi ki, S. Şoyqu reanimasiyada aparata qoşulub və onun sağ qalıb-qalmayacağı bəlli deyil. (Qafqazinfo)