Bakı metrosu açılışa hazırlaşır - Fevralın 15-dən...
"Bakı Metropoliteni" QSC xüsusi karantin dövründə
işə cəlb olunmayan əməkdaşlarını 1 fevraldan işə cəlb edir.
Sfera.az bildirir ki, Modern.az-a daxil olan məlumata görə, bütün əməkdaşlara,
maşinistlərə xidmət göstərdikləri stansiya üzrə işdə olmaq tapşırığı verilib. Bunun metronun fəaliyyətinin bərpasına
hazırlıq çərçivəsində edildiyi vurğulanır.
Məsələ ilə bağlı qurumun mətbuat xidmətinin rəhbəri Bəxtiyar
Məmmədov Modern.az-ın sorğusuna cavab olaraq deyib ki, bu, yoxlama xarakteri
daşıyır:
"Nazirlər Kabineti yanında Operativ Qərargah tərəfindən
1 fevraldan sonra qərar verilməsi gözlənilir. Metro açılacaq, açılmayacaq,
açılacaqsa, hansı tarixdən açılacaq, bu, Operativ Qərargahın qərarına
bağlıdır".
O deyib ki, metro qərar veriləcəyi təqdirdə, metro açılışa
tam hazırdır.
Qeyd edək ki, Təhsil naziri Emin Əmrullayevin iştirakı ilə
keçirilən sonuncu brifinqdə 15 fevraldan ali məktəblərdə əyani dərslərin bərpa
olunacağı anonsu verilib. Nazir dərslərin başlayacağı təqdirdə metronun fəaliyyətinin
bərpa olunacağını qeyd edib.
