2020-ci ildə Azərbaycanda koronavirusdan vəfat edən tanınmışlar
Dünyanı cənginə alan koronavirus infeksiyasına yoluxanların sayı hər gün artmaqda davam edir. Çinin Uhan şəhərində yayılmağa başlayan virusdan bir milyondan çox insan dünyasını dəyişib. Bu pandemiya ölkəmizdən də yan keçmədi. Azərbaycanda mart ayından yayılmağa başlayan COVİD-19 pandemiyasında son günlər sürətlə artım müşahidə olunur. Ölkədə bu günədək virusdan 2000-dən çox insan vəfat edib. Onların arasında Azərbaycanın tanınmış şəxsləri də var.
Sfera.az onlardan bir neçəsini təqdim edir:
Teymur Mustafayev: Milli musiqi sənətinin tanınmış nümayəndələrindən biri, Xalq artisti, Prezident təqaüdçüsü iyunun 11-də ömrünün 82-ci ilində vəfat edib.
Samir Nəcəfzadə: "Azərbaycan Televiziya və Radio Verilişləri” Qapalı Səhmdar Cəmiyyətinin əməkdaşı, qurumun İctimai-siyasi və analitik verilişlər departamentinin rejissoru. O, virusa yoluxandan bir neçə gün əvvəl səhhətinin ağırlaşması səbəbindən xəstəxanaya yerləşdirilsə də, həyatını xilas etmək mümkün olmayıb.
Qələndər Xaçınçaylı: Tanınmış jurnalist, "Həftə içi" qəzetinin əməkdaşı. Publisist koronavirus səbəbindən bir müddətdir müalicə aldığı xəstəxanada dünyasını dəyişib.
Fərman Bağırov: Tanımış foto-jurnalist, Əməkdar İncəsənət xadimi, "Tərəqqi" medalı laureatı. Bir sıra xəstəliklərdən əziyyət çəkən jurnalist 84 yaşında koronavirusdan vəfat edib.
Gülnarə Məmmədova: Tanınmış mama-ginekoloq, tibb üzrə fəlsəfə doktoru.COVID-19 test nəticəsi pozitiv çıxan məşhur ginekoloq dekabrın 13-ü vəfat edib.
İlkin Qurbanov: Azərbaycanın tanınmış marketoloqu, "Avtolüks Azərbaycan” şirkətinin Marketinq rəhbəri. İ.Qurbanov gənc yaşda koronavirusdan dünyasını dəyişib.
Rəşad Süleymanov: Tanınmış jurnalist, "AzeriDefence" jurnalının Baş redaktoru. Koronavirus infeksiyasına yoluxan jurnalist 37 yaşında vəfat edib.
Elman Həsənov: tanınmış cərrah-həkim.Bir müddət əvvəl koronavirusa yoluxduğu üçün xəstəxanaya yerləşdirilsə də, onun həyatını xilas etmək mümkün olmayıb.
Tahir Əlirzayev: Azərbaycan Respublikası Vəkillər Kollegiyasının 22 saylı vəkil bürosunun sədri. T.Əlirzayev bir müddət idi ki, xüsusi rejimli xəstəxanaların birində koronavirusdan müalicə olunurdu.
Əmrah Fəqanoğlu: İctimai Televiziya və Radio Yayımları Şirkətinin koronavirusa yoluxan redaktoru, tanınmış jurnalist. Koronavirusdan əziyyət çəkən jurnalist iyul ayının 28-i dünyasını dəyişib.
Hüseyn Həşimli: Filologiya üzrə elmlər doktoru, professor, Azərbaycan RespublikasınınƏməkdar elm xadimi. İyun ayının 19-da dünyasını dəyişib.
Xəyal Məmmədxanlı: Azərbaycan iş adamı, Biznes məsləhətçisi, sığorta mütəxəssisi. İş adamı 42 yaşında koronavirusdan vəfat edib.
Vahid Tağıyev: Ağsu Rayon İcra Hakimiyyətinin başçısı. İlham Əliyevin 30 sentyabr 2019-cu il tarixli Sərəncamı ilə Ağsu rayon İcra Hakimiyyətinin başçısı təyin edilən V.Tağıyev koronavirusdan dünyasını dəyişib.
(axeber)
